तनावग्रस्त जीवनशैलीमा जटिल स्वास्थ्य समस्याको रूपमा देखापरेको रोग मध्ये मधुमेह (सुगर) पनि एक हो । मधुमेह रोग मानिसको आहार, विहार, रहन, सहन आदिका कारणले संसारभरि नै दिन प्रतिदिन बढ्दै गईरहेको छ । पहिला–पहिला मधुमेहलाई धनीको रोग भनिन्थ्यो तर अहिले गरिब देशका गरिब जनतामा पनि बढ्दै गएको छ । मधुमेह दीर्घकालीन रूपमा शरीर गल्ने रोग हो । आयुर्वेदमा यसलाई याप्य रोगको रुपमा वर्णन गरिएको छ । मधुमेहमा रगतमा ग्लुकोजको मात्रा हुनुपर्ने भन्दा बढी भई कालान्तरमा शरीरको महत्वपूर्ण अंगहरुलाई क्षति पुग्दछ । मधुमेह विशेष गरि इन्सुलिनको कमी वा इन्सुलिनले काम गर्न नसक्दा हुने रोग हो । शरीरमा इन्सुलिनको कमी भएमा शरीरले ग्लुकोजलाई प्रयोग र संचय पनि गर्न नसक्ने हुँदा रगतमा ग्लुकोजको मात्रा अनावश्यक बढ्न जान्छ । जसलाई मधुमेह भनिन्छ । लक्षण
– पिसाब धेरै पटक लाग्नु
– पिसाबमा कमिलाहरु लाग्नु
– तिर्खा बढी लाग्नु
– भोक बढी लाग्नु
– शरीरको तौल एक्कासी घट्नु
– धेरै कमजारी हुनु
– मुख सुख्खा र गुलियो हुने
– जिब्रो, दाँतमा मैलो जमिरहने
तपाईलाई यस शीर्षक संबन्धित लागेका विचार तल कमेन्ट बक्समा लेख्नुहोला