‘समर लभ’माथि बन्ने फिल्मका लागि कलाकारको खोजी सुरु

सुविन भट्टराई युवामाझ रुचाइएको उपन्यास ‘समर लभ’माथि बन्ने फिल्मका लागि निर्माण पक्षले कलाकारको खोजी सुरु गरेको छ । उपन्यासका लेखक सुविन भट्टराईले फिल्मको स्क्रीनप्ले तयार भएको बताउँदैं आफूहरु कलाकारको खोजीमा रहेको जनाएका छन् । 

‘समर लभको पटकथा तयार भो । अब भदौदेखि सुटिङ सुरु हुँदैंछ । र, त्यसका लागि कलाकारहरुको ब्यापक खोजी भइरहेको छ,’ उनले आफ्नो फेसबुकमा लेखेका छन् ।

उनले चरित्र सुहाउँदो कलाकारको खोजी भइरहेकाले आफूमा त्यो दक्षता भएमा तस्विरहरुसहित फेसबुकमा म्यासेज गर्न समेत आग्रह गरेका छन् । 

साथै, आचार्यले नयाँ बन्ने फिल्मका लागि सुझाव समेत मागेका छन् । फिल्मको निर्माण तथा निर्देशन भने विकास आचार्यले गर्दैछन् ।