सर्वाधिक सफल नेपाली चलचित्र ‘लुट’को सिक्वेल ‘लुट–२’ को फस्र्ट लुक सार्वजनिक भएको छ । निर्माण पक्षले फस्र्ट लुकसँगै यसको रिलिज मिति पनि सार्वजनिक गरेको छ ।
दर्शकहरुले ‘लुट–२’ हेर्नका लागि करिब ८ महिना कुर्नु पर्नेछ । किनभने फागुन १३ गतेलाई यसको रिलिज मिति तोकिएको छ ।
यो चलचित्रको छायांकन सुरु नै भएको छैन । तर, पनि यसको टिजर सार्वजनिक गरिएको छ । ‘लुट’का सबै कलाकार दयाहाङ राई, सौगात मल्ल, कर्मा, ऋचा शर्मा लगायतका कलाकार ‘लुट २’मा देखिनेछन् भने केही नयाँ पात्र पनि थपिने निर्माण पक्षले जनाएको छ ।
‘लुट’को पहिलो संस्करणमा कथाका प्रमुख पात्र अर्थात हाकु कालेले पैसाका लागि लालायित युवाहरुलाई फसाउँदै बैंक लुट्न सफल भएको देखाइएको थियो । ‘लुट’को दोस्रो श्रृखलाको मंगलबार सार्वजनिक गरिएको पहिलो झलकमा तिनै फसाइएका युवाहरुले ‘हाकु’ अर्थात सौगात मल्लसँग बदलाको रणनीति बुनिरहेको अनुमान गर्न सकिन्छ ।
चलचित्रको चर्चित संवाद ‘काठमाडौं सहर, हेर्दा लाग्छ रहर’लाई चलचित्रको दोस्रो भागमा पनि केही संशोधनसहित दोहो¥याइएको छ । नयाँ संवादमा काठमाडौं उस्तै रहेको र अझैपनि रहरलाग्दो रहेको बताइएको छ ।
हेर्नुहोस् ‘लुट–२’को फस्ट लुकः
तपाईलाई यस शीर्षक संबन्धित लागेका विचार तल कमेन्ट बक्समा लेख्नुहोला