मोरङको भाउन्नेमा डाँगीहाट गोल्डकप प्रतियोगिता भोलि देखि सुरु हुने भएको छ । युवालाई खेलको माध्यमबाट अनुशासित र मर्यादितका साथै खेल प्रवर्धन गर्न यस गोल्डकपले थप सहयोग गर्नेछ । यस खेलको आयोजना डाँगीहाट फुटबल क्लवले गरेको छ । भाउन्नेको खेल मैदानमा सुरु हुन लागेको उक्त प्रतियोगिता साउन १५ गतेसम्म सञ्चालन हुने आयोजकले जानकारी दिएको छ ।
भोलि बाट सञ्चालन हुने खेलको सम्पूर्ण तयारी पूरा भएको आयोजकले बताएको छ ।।
प्रतियोगितामा सामेल हुने सम्पूर्ण फुटवल टिमलाई ए र वि गरी दुई भागमा विभाजन गरेर खेलाईने भएको छ । प्रतियोगिताको विजेता टिमलाई ५१ हजार र उपविजेतालाई ३१ हजार नगद पुरस्कार प्रदान गरिने आयोजकले जनाएकोछ ।
उक्त प्रतियोगितामा मोरंगका विभिन्न फूटबल क्लबले सहभागी जनाएका छन् । बेलबारी फुटबल क्लब, उर्लाबारी फुटबल क्लब, पथरी स्पोटिङ क्लब, लेटाङ फुटबल क्लब, सगरमाथा फुटबल क्लब, बिराट स्पोटिङ एकेडेमी र डाँगीहाट फुटबल क्लब आपसमा आमुने सामुने हुने छन् र खेल तालिका निम्न बमोजिम रहेको छ ।
तपाईलाई यस शीर्षक संबन्धित लागेका विचार तल कमेन्ट बक्समा लेख्नुहोला